Umuvugizi wa RED-Tabara : Tuzoruhuka Abarundi baronse uburenganzira bwo kwitorera indongozi zabo

 Kuri uyu wa kabiri, itariki 27 Rusama 2025, umuvugizi wa gisirikare wa RED-Tabara yatanze ikiganiro mu kinyamakuru Le Mandat. Patrick Nahimana yavuze ingene umutekano wifashe ku birindiro hamwe n'ibindi.

Burundi : inkinamico y’amatora yo mu 2025

Amatora ategekanijwe mu 2025 ntajanye na demokarasi, ahubwo ni inkinamico yatunganijwe n’umugambwe CNDD-FDD n’incoreke zawo. Haraheze imyaka myinshi, iyo ntwaro ikoresha nabi inzego, izivya abatavuga rumwe na yo, yiba n’amatora kugira ngo igume ku butegetsi ipfukamye mu nda Abarundi.

Kubera iyo ngendo inigira mu menshi demokarazi, ikongere uko bukeye uko bwije amagorwa, ikumira n’ubwoba mu gihugu, RED-Tabara irasubiye kumenyesha ishimitse ko Uburundi butari bukwiye ivyo. Uburundi bukeneye ubutungane, amahoro n’iteka kuri bose.

Twariyemeje gukora ibishoboka vyose kugira tubogore Uburundi kugira ngo hatunganywe amatora ahurikiyemwo bose, yigenga kandi abaye mu muco. Harageze ko uburyarya bwa poritike buhava, Abarundi bagahabwa uburenganzira bwabo ntakomwakomwa bwo kwitorera indongozi zabo biciye mu mwidegemvyo n’ukuri kuvuye mw’isandugu y’itora.

Abarundi n’amakungu bakwiye gutegera ko, tutavavanuye n’iyo ntwaro y’agahotoro, ata mahoro arama n’iterambere nyaryo bizopfa bibonetse mu Burundi

Urugamba rwacu ni urw’abo bose bipfuza Uburundi bushingiye ku mategeko, ku kuri no ku burenganzira bungana ku banyagihugu.

Ivyashikirijwe n'uwurongoye umuhari RED-Tabara mu kiganiro "Ijambo ni rwawe"

Uwurongoye umuhari RED-Tabara BAYAGA Don Darcy yari mu kiganiro "Ijambo ni rwawe" co kw'iradiyo RPA co kw'igenekerezo rya 21 Ndamukiza 2025.